أنا متجوِّزه من أسبوعين ومن يومين جوزي بَعت ليَّا صور فرحنا أول ما خلصت أخيرًا؛ كنت متحمسة أوي إني أشوفهم، هو كمان كان متحمس أوي، كان باين جمالهم من أول صورتين، كنَّا حلوين جدًا، وقبل ما أفتحهم لقيته بعت ليَّا رسالة كتب فيها : – الصور أهي خلصت.. بس أوعي تفتحيهم لوحدك إستني لما أروَّح نشوفهم سوا! = الساعة 12 ونص دِلوقتي بس إنت هتتأخر أكتر من كده زي كل يوم! – يا ستي مش هتأخر النهاردة.. إنتِ عارفة طبيعة شغلي أعمل إيه؟! = وعد يعني؟!
– وعد! = إنت عمرك ما وعدتني أي وعد ووفيت بيه أصلًا! – لا وعد يلا مش هتأخر.. هخلص حاجة ومسافة الطريق جاي!! قفلت التليفون، كنت فرحانه جدًا، بس كنت متأكدة إنه مش هيوفي بوعده زي كل مره، خلصت كل اللي ورايا عشان أول ما يجي ميكنش في أي حاجة ورايا، خلصت المطبخ، وكل الشغل اللي ورايا والساعة بقت 1:15 إتأخر أوي النهاردة، إتصلت عليه كتير بردو مكنش بيرد، خاب ظني كالعادة،
أنا واخده أسبوعين أجازة من شغلي، عشان جو,,ازي وكده، أنا بشتغل دكـ.ـتورة طوارئ، كنت حابه أستثمر الأسبوعين دول ونقعد وقت أكتر مع بعض فيه بس طبعًا مفيش نصيب، لأن طبيعة شغلنا بنتأخر في الشغل كتير، لوقت متأخر، وجوزي قال كفاية عليه إسبوع أجازة لأنه هيجهز لشهر عسل خاص لينا بس هيتأخر شوية بسبب بردو طبيعة شغله وأنا وافقت مش مُعـ.ـضلة يعني..
شربت قهوة، أهي تصحصحني شوية بس بردو مفيش فايدة، لقيت نفسي وأنا بغفى، قُمت وقولت هدخل أنام، نشوفهم بكره بقا، ولسه بقوم سمعت صوت عياط جاي من على السلم، وكأنه عياط طفلة صغيرة، وقفت في مكاني وحطيت فنجان القهوة على السفرة..
…………….
السلام عليكم ورحمة الله وبركاته
انا مطلق مراتي من سنتين وده بـ,ـسـ,ـبب زن امها لانها خرابت بيوت بعد الطلا*ق سألتها ناويه تقعدي فين علشان ارتب معاها مصاريف عيالي معايا منها بنتين اكبـ,ـرهم 6 سنين قالتلي هتقعد عند امها قولتلها وانا هبعتلك مصاريف علي قد البنات وليكي انتي كمان علشان متنزليش شغل وتتبهدلي وفعلا كل شهر كنت بروح اديها 9000 جنيه ليها وللبنات فوجئت انها راحت تعمل تمكين علي الش.قه علشان تجيب امها وتقعد فيها
وبكل اسف حظها اسود ومنيل انا اختي محاميه وابويا محامي واغلب عيلتنا في المحاماه والشرطه يعني اغلبنا فاهمين القانون طبعا بعد الط*لاق الشقه كتبتها بتاريخ قديم بأسم اختي ورفعت عليا قضية طرد وطليقتي جت تعمل التمكين متعملش راحت المحكمه تعمل بدل مسكن وبردو من نفسها رفعت قضية نفقه للعيال انا عندي محلين حمد لله وبردو مش بأسمي وواخد ضمانات علي اهلي لان المحلات باسمهم وقانونا علي الورق انا عاطل عن العمل المهم النفقه شامله كل شئ وبدل المسكن وبحكم المحكمه بقي 1500 جنيه وبدفع شهر اه واتنين لا براحتي يعني وطبعا منعت ال9000 جنيه اللي كنت ببعتهم ليها وبعدها بشهر امها اتوفت وطبعا هي ابوها لا كان ليه معاش ولا هي ليها مصدر دخل وكمان حالتهم الماديه وحشه والشقه أيجار بتاعة ابوها هي
اتكسرت بعد م*وت امها وباعت كل دهبها وابوها كمان متوفي من زمان واخواتها بنات ومتجوزين وعلي قدهم هي دلوقتي حرفيا بتشحت قولتلها هاتي العيال اربيهم وارتاحي منهم يا اما انزلي شغل هتصرفي اغلب المرتب في المواصلات ومش هتكفي بردو ومن هنا لهنا قالتلي طيب لو هتاخد البنات هتربيهم ازاي قولتلها هجبلهم اي ست تربيهم بفلوس قالتلي ينفع تعتبرني انا بدل الست دي والمرتب تديهوني انا المهم انا سكت ومعرفتش ارد عليها انا فاهم ان امها الله يجحمها هي سبب كل ده وهي غلبانه بس مش معني كده انها بريئه وانا محبش اتجوز واحده ملهاش شخصيه تتسحب زي المعزه المهم هي راحت اشتكت لأمي واخواتي وكلهم منفضين ليها مفيش غير امي بس رضيت تاخدها هي والبنات تقعدها عندها وخليتها راحت اتنازلت عن قضية النفقه وامي بتصرف عليها وعلي العيال اهلي عايزني ارجعها وانا عمري ما ارجعها بصراحه لكذا سبب وحتي لو علشان العيال لا بردو العيال معززين مكرمين عند امي حاليا وهي معاهم فالصح اي دلوقتي بعد ما حكيت كل الموضوع هل اعمل مرتب واديه لأمي كل شهر تصرف منه عليها وعلي البنات ولا اروح اجيب طلباتهم بس وبلاش فلوس ياريت رأيكم
